ஹார்ட் காபி

அவள் உதடு பொருத்தியதால்

உஷ்ணமேறிப் கிடக்கிறது 

# Cool Coffee

ஹைக்கூ

நிலம் வாங்கச்சொல்லி
நிலா விளம்பரம் செய்கின்றது
# Real estate....

காதல் தீர்த்தம்

அவள் கால் நனைத்ததும்

தெப்பக்குளமும் 

தீர்த்தக் குளமானது...

யாவும் நோக்குக

பெண்பால் சிந்தும்
கவிதைகளை மட்டுமே பருகும்
பல ஆண்பால்களை
கள்ளிப்பால் கொடுத்தாவது
கதை முடிக்க வேண்டும்...

பிள்ளை மருத்துவம்

தன்னை டாக்டரென்று சொல்லிக்கொண்டு 
அந்த குட்டி தேவதை  போடும்
முதல் ஊசியிலேயே
அப்பாவின் அனைத்து வியாதிகளும்
குணமடைகின்றன...

எ(ஜெ)ன் தத்துவம்

ஒவ்வொரு கல்லிலும் 
ஒரு சிலை ஒளிந்திருக்கின்றது-ஆனால்
ஒவ்வொரு சிலையிலும்
ஒரு கடவுள் ஒளிந்திருப்பதில்லை.......

ஊழல்.in(dia)

பசிக்கும்  பட்டினிக்கும்

பஞ்சமில்லா நாடு...! 

வல்லரசுக் கனவுகளை

குப்பையிலே போடு...!  

பணக்கார முதலைகளின்

பட்டியலைத் தேடு...!  

என்று தான் அழியும்

எந்நாட்டின் வறுமைக்கோடு...!  

பணமென்னும் பூவினிலே

அமரும் ஏழை வண்டு...! 

கொடுக்கினிலே விரட்டும்

பெரும் பணக்கார நண்டு...! 

கழிவறையே இல்லாத

வீடு பல உண்டு...!  

கடவுள் கூட உறங்குகிறான்

கண்விழித்துக் கொண்டு...! 

வெள்ள வேட்டி வெள்ள சட்ட

போடுறாங்க கொஞ்சம்...!  

சாக்கடைய அள்ளக்கூட

கேக்குறாங்க லஞ்சம்...!  

தினக்கூலி பட்டியலில்

எத்தனையோ ஏழை-இதை

தீர்க்காத அரசாங்கம்

நம்மை விடக் கோழை.....

ஹைக்கூ

எபோலோவிடமிருந்து தப்பித்து
அப்போலோவிடம் அகப்படுகிறது
உயிர்...

நவீன நாரதர்

தம்புராவைப் போல்
கேமிராவை மாட்டித் திரியும்
இந்த ஊடகம்
ஒரு நவீன நாரதர்....

வில்லங்கம்

வளைந்து நெளியும் 
உன் வில் அங்கங்களை கண்டால்
எனக்குள் ஏதேதோ
வில்லங்கங்கள் நிகழ்கின்றது...

மயில் நிலையம்

அழகழகான பெண்களின் கூட்டம்

அலைமோதுகின்றது 

இது ரயில் நிலையமா....?

இல்லை,,,,, 

மயில் நிலையமா...?

அரசியல் கூற்று

கோஷம் போடத்தெரிந்தவனை
தொண்டனாகவும்
வேஷம் போடத்தெரிந்தவனை
தலைவனாகவும் ஏற்றுக்கொள்கின்றது
அரசியல் மேடை...