அகத்தியா: July 2017

11 July 2017

முத்தத்தைப்பற்றி

கவிதை எழுதும்போதெல்லாம்

உன் உதட்டுச்சாயம் ஒட்டிக்கொள்கிறது

காகிதத்தில்....

என் தாடிக்குள்

தவம் செய்து கொண்டிருக்கின்றன

அவளது நினைவுகள்...

கொழுத்துப் போன

என் காதலுக்கு காரணம்

கொழுப்பு சத்து நிறைந்த

உன் முத்தங்களே...

வெயில் காலங்களில்
நீர் வேண்டும்...
மழை காலங்களில்
நீ வேண்டும்...

இரண்டு காதுகள் இருந்தும்
சில்லரை காசுகளின் சத்தத்தை
இதுவரை கேட்டதே இல்லை
அந்த பொக்கைவாய் கிழவியின்
சுருக்கு பை...

பக்தர்களுக்கு
யோக நிலையிலும்
சீடர்களுக்கு
மோக நிலையிலும்
காட்சியளிக்கிறார்
கா(வி)ம சாமியார்...

தனித்துவம் வாய்ந்த கவித்துவம்
அவள் வெட்கம்...
மகத்துவம் வாய்ந்த மருத்துவம்
அவள் முத்தம்...

இன்று
எந்த சுவையிலான முத்தம்
நீ தரப்போகிறாய் என்று
நீ பூசும் இன்றைய உதட்டுச்சாயமே தீர்மானிக்கிறது...
# C For Chocolate...

அளவுக்கு அதிகமாய்
காதல் கவிதைகள் சமைக்கும்
கூரு கெட்ட குக்கர்
நான்...

பணமும்,படிப்புமே

பல சமயங்களில்

காரணமாகின்றன
வாய் பிளப்பதற்கும்
வாய்ப்பிழப்பதற்கும்...

சில Worry-களே
பல வரிகளுக்கும்
பல வலிகளுக்கும்
காரணமாகின்றன...