வாசித்தலில் தான்
எங்கள் ஹார்மோன்கள்
உயிர்த்தெழுகின்றன...
இறகின்றி காது குடையும் சுகத்தினை
இசையூடே தந்தவன் நீ...
சில நேரம் இசைகளால்
வலிகளை வருடிவிடுகின்றாய்...!
பல நேரம் இசைகளால்
மனதை திருடிவிடுகின்றாய்...!
இசை தயாரிக்க சொன்னால்,
பசை தயாரித்து எங்கள் இதயத்தில்
பூசிவிடுகின்றாய்....
அதில் நாங்கள் இறுக்கமாகவும்
நெருக்கமாகவும் ஒட்டிக்கிடக்கின்றோம்...
பலர் இசையென்ற பெயரில்,
ஒலியெழுப்புகிறார்கள்
இல்லையில்லை வலியனுப்புகிறார்கள்....
இரைச்சல்களால் காயமடைந்த
எங்கள் செவிகளுக்கு,
இசைஞானியே கொஞ்சம்
இசை தடவு......
